چؤل اولسايدي گول اكرديم اورمودا

ناز ائتسه يدي من چكرديم اورمودا

گول ديبينه سو تؤكرديم اورمودا

آما حاييف گؤز باخديقجا دوزدور او

بير چيچكده بيته بيلمز سؤزدور او

خبر وئرين ائللره،
دوشسون هامي ديللره،
اورمو گولو گوز ديكيب،
مدد وئره ن اللره. 
گل ايناناق سئوگي يه،
قارداشليغا بيرلييه،
بيزدن يارديم ايسته يير،
آزربايجان اورميه.
من آشيق آي اولايديم،
بير سولو چاي اولارديم،
آشيب، داشيب داغلاري،
گه ليب سه نه دولايديم.
خالقيمين دوزلو گولو!
گورمه يك سني اولو،
قويوب، گئديب، بوراخما،
بيزه قورو بير گولو 
بو دردي كيمه يازام؟
اوز يوردومدا يالقيزام،
ائشيديرسه نمي مني؟
بو گونلر چوخ سوسوزام.
هارايلار آي هاراي لار!
دولانار ايل لر – آيلار،
من سوسوزام، هارداسيز؟
سويو گتيرين چايلار!
بيلمه ليسيز سيز بونو!
گلمز گولومون سونو،
يو كيچيك ال له ريمله،
قورتاراجام، من اونو

بیر داملا گؤز یاشین ،خلت ائیلیین
سیز الله سو-سوزدو ، اورمو گؤلونه

او قدر سو-سوزدو ، قلبی یانیری
بیر اویوج سو تؤکون ، اورمو گؤلونه

بو گؤلون آغری‌سی ، دونیا بویونجا
یئر-گؤی اونودوبدو اونو دویونجا
قانیمیز قوروسون ! گؤل قورویونجا
گلین بیز سو تؤکک ، اورمو گؤلونه

آغلایاق هدیه ائدک گؤز یاش‌لارینی
بلکه جان وئرک بیز ، اورمو گؤلونه

اوریین یانماییر ! آغلییا بیلمیرسن !
قان وئرک داماردان ، اورمو گؤلونه

بو گؤلون قازلاری هایانا گئتدی ؟
یام یاشیل یازلاری هایانا گئتدی ؟

کئیفی‌نین سازلاری هایانا گئتدی ؟
سو وئرک سازلانسین اورمو گؤلونه

بیگانه باخا‌جاق ، اؤگئی بو گؤله
یانماسا دوغما اؤزو ، اورمو گؤلونه

هارداسان سن ائی ، گؤلون صاحبی ؟
بیگانه خور باخار اورمو گؤلونه

گلین آغلارکن ، بیز هدیه ائدک
بو قان‌لی گؤز یاشین ، اورمو گؤلونه

تحقیر بسدی ، گلین گلین آماندی
خار اولماق ایستمه ، اورمو گؤلونه

بیلمدیم هانسی اللر ! چای‌لاری کسدی
گوناه بس نه یمیش ، اورمو گؤلونه

بولاق‌لار گورودو ، نه بره بسدی ؟
میناس داغی آغلار ، اورمو گؤلونه
اگر موسلمان‌سیز ؟ روا گؤرمیین
بیر ایچیم سو وئرین ، اورمو گؤلونه

مسئولین کجائید؟؟؟؟؟!!!!!!!!

زنده یاد استاد شهریار.

برای شادی روحش صلوات